Posts

Showing posts from August, 2023

209. YESŨ ŨTŨTONGOEASYE

 YESŨ ŨTŨTONGOEASYE (Saviour like a shepherd) 1. Yesũ, ũtũtongoeasye,  Ithyĩ malondu maku,  Tũĩthye na wendo waku,  Lĩu mũseo wĩ naw’o.  Ame Yesũ, Mũtangĩĩi,  Nĩwakwĩĩe mũtĩnĩ Wĩ mũĩthi wa’ndũ maku,  Mũĩthi mũseo vyũ.  2. Tũsũvie ndĩthya yaku,  Nzĩanĩ sya weũnĩ,  Amaitha nĩ aingĩ,  Ala mendaa matwasye 3. Tũtyĩsĩ kwĩtongoesya,  Na vinya tũti naw’o,  Ndũkatũtie ithyoka,  Tũikavĩtĩthw’e nzĩa.  4. Twĩ naĩnĩ, nĩwatwendaa Na wakwie twovow’e Tũtethye tũvikĩle vyũ,  Mũĩthi wa ngoo sitũ.  (Amen)

210. NGOONĨ NĨNGŨMŨMANTHA MWĨAĨI

 NGOONĨ NĨNGŨMŨMANTHA MWĨAĨI (He took my place) 1. Ngoonĩ nĩngũmũmantha Mwĩaĩi,  Ngyũmbũla naĩ nĩngũekewa,  Ndeto syake syĩna mũyo,  Nĩwakwie kwondũ wakwa.  Vatiĩ ũngĩ, , , wa kwĩkwatw'a,  4/4 nĩwakwie kwondũ wakwa,  Mwana wa Ngai kũu Kaivalĩ,  Nĩwakwie kwondũ wakwa.  2. Nũkũnthũmũsya ngoo yakwa,  Akeanĩsya wĩa wake,  Wendo wake nĩ mũnene Nĩwakwie nũndũ wakwa.  3. Mothũku na amaitha,  Mambingĩvĩa nĩngũtana,  Nĩona mũno nthĩnĩ wake,  Nĩwakwie kwondũ wakwa.  4. Ndina w'ia ndina nzika,  Nalilikana kaivalĩ,  Wathi wakwa ũkekalaa,  Nĩwakwie kwondũ wakwa.  (Amen)

211. YĨLA NAĨ MWATHE

 YĨLA NAĨ MWATHE (Just when I need him) 1.  Yĩla naĩ mwathe Yesũ akw'a,  Nthakame yake Inthooe nyie,  N’ũmwe naĩnĩ,  Nĩth'we wake: Kw'ũu nĩmwendete nyie.  Yesũ nĩ Mũtangĩĩi 6/8 wa andũ ta ithyĩ,  Aikĩĩwaaa, ndũkaemwa,  Nĩ ũtũtangĩĩa.  2. Yĩla ngũtatwa,  Ng'endeth'we nĩ naĩ,  Ngoo ĩkengetwe,  Nĩ ũla mwai,  Yesũ e nakwa,  Kũnziĩĩaa: Kw'ũu nĩmwendete nyie.  3. Mĩthenya yonthe Nũndethasya Kũkĩlya naĩ syĩ Ngoonĩ yakwa Nũngĩĩthasya Maũndũ mai,  Kw’ũu nĩmwendete nyie.  (Amen)

212. YEOVA NĨ MŨĨTHI

 YEOVA NĨ MŨĨTHI (The lord is my shepherd) 1. Yeova nĩ mũĩthi wakwa,  Na ndikanyamaw'a nĩ ũndũ,  Nũndindiasya kĩsesinĩ ,  None mothũmũo ma ngoo.  2. Nũndongoeasya ũsĩnĩ ũtee,  Wĩ manzĩ makilĩtye mũno,  Nzĩa sya ũlũngalu wake,  Ngĩtia nũnũũmbuũkya ngoo.  3. O na ũsĩ wĩ kyuu kya kĩkwũ,  Ngĩvĩtĩla, ndĩkĩa ũndũ; Wĩ nakwa, Yesũ, nũvesĩ vyũ; Ngatethw’a nĩ ndata yakũ.  4. Mesa ĩno wambalanĩlya,  Ũtheinĩ mbee wa'amaitha.  Nĩwambaka mũtwe maũta,  Kĩkombe nĩkĩtĩkangaa.  5. Vate nzika ũseo na tei,  Nimbikĩlaa thayũnĩ.  Tene na tene nyie ngekalaa,  Nyũmbanĩ ya Yeova.  (Amen)

213. NGĨKALA ŨVOONĨ

 NGĨKALA ŨVOONĨ (When peace like a river) 1. Ngĩkala ũvoonĩ, kana nĩ thĩnanĩ,  Yĩla woo mũnene wooka,  Na woo ona wĩva, namanyie vyũ,  Ve ũvoo ngoonĩ yakwa oyũ.  Ve ũvoo ngoonĩ kwakwa yu,  Ve ũvoo ngoonĩ yakwa oyu.  2. Na noona satani aindata mũno,  Ngalilikana ũndũ ũũ,  Yesũ ambonie, na angwĩĩa nyie,  None thayũ nthakamenĩ yake.  3. Mawathe makwa onthe,  Yesũ oosa n’andekea; Akw’a vandũ vakwa, nĩtw’ĩke wake,  Taĩa Ngai! Taĩa Ngai ngoo yakwa.  4. Na yũ nĩngweteela andwae ĩũlũ,  Ndikethw’e na w’ia vaa nĩĩ,  Ngyuma kũkũ nthĩ ngeew’a nthĩnĩ wa ngoo Wasya wake, aingethya, nũvoo.  (Amen)

214. YU NDIKWENDA VAITA

 YU NDIKWENDA VAITA (Is my name written there) 1. Yu ndikwenda vaita kana ũthwii wa nthĩ,  Ũla ngwenda kũnengwa n’ũla wĩ ĩtunĩ,  Indĩ nĩngwĩw’a mũyo nũndũ syĩtwa yakwa,  Nĩ yĩandĩke nesa maandĩkonĩ ma Ngai.  Syĩtwa yakwa yĩvo,  Ngai nũandĩkĩte,  ĩvũkunĩ ya thayũ,  Syĩtwa yakwa yĩvo.  2. O na meko maitũ me mathũku mũno,  Me matwae kwa Yesũ matheaw’a onthe,  Nũndũ nũndavasya yu kana ngoo ii sitũ Ikathew'a ta ĩa nĩ Mwovosya waitũ.  3. Kũu kwa Ngai nĩ kũseo kwĩ kwonthe kũũ nthĩ,  Kwĩ na kyeni kĩnene kya ũtheũ wake: Ũla ũmwendaa Yesũ ũla mwana wa Ngai,  Ũ wĩ kũya ĩtunĩ, syĩtwa yake yĩvo.  (Amen)

215. NĨ NA ŨVOO NGOONĨ YAKWA

 NĨ NA ŨVOO NGOONĨ YAKWA (Sweet peace, the gift of Gods love) 1. Nĩ na ũvoo ngoonĩ yakwa,  Nĩw'a ũtanu mũnene,  Nĩngwenda kwina ũvoo ũũ,  Mũuo, mũthĩnzĩo wa Ngai.  2. Mũuo, Mũuo,  Nĩw’o mũthĩnzĩo wa Ngai,  Nĩ Mũuo mũseo mũno: Mũuo mũthĩnzĩo wa Ngai.  3. Yesũ nĩ Mwovosya waitũ,  Nĩwaĩvie thiĩ witũ,  Na nĩwe watũnengie,  Mũuo, mũthĩnzĩo wa Ngai 4. Nĩkalaa na Yesũ wakwa,  Na nĩnĩmũnengete ngoo,  Yusũwe nĩ Mũuo wake,  Mũuo mũthĩnzĩo wa Ngai.  (Amen)

216. MUMO WĨANĨE KWAKWA

 MUMO WĨANĨE KWAKWA (His grace is sufficient) 1. Mumo wĩanĩe kwakwa! Yĩla naĩ thĩnanĩ naĩnĩ kũasa,  Yesũ anthengeesya, kwake anthesya ngoo,  Na eanĩsya mumo kwakwa.  Nũndũ, . . …wakwa,  Mumo waĩanĩe kwakwa,  Nũndũ…. . wakwa,  Mumo wĩanĩe kwakwa.  2. Mumo wĩanĩe kwakwa,  Nĩna Yesũ nditonya kũkĩa kĩndũ,  Nĩnzũvĩawa nĩwe, na ndyonawa nĩmĩisyo,  Nĩwĩanĩasya vata wakwa.  3. Mumo wĩanĩe kwakwa,  Mavata makwa Mwĩaĩi akambĩanĩsya,  Kĩkw’ũnĩ ngatana nĩsĩ ngathũmũa,  Nĩweanisye mumo kwakwa.  4. Mumo wĩanĩe kwakwa,  Ona yĩla ngavika mũsyĩ ĩtunĩ,  Ngatana ngĩmũkatha mũsumbĩ wakwa,  Na akeanĩsya mumo kwakwa.  (Amen)

217. ENDAVYA NĨMŨĨKĨĨE

 ENDAVYA NĨMŨĨKĨĨE (Jesus fully saves) 1. Endavya nĩmũĩkĩĩe,  Vamwe na watho wake w’onthe,  Kũka kwake yu kwĩ vakuvĩ,  Nĩngũmwosa na ngoo yakwa yonthe,  Nĩnoovoiw'e nyie ndeto yĩndavya vyũ,  Nĩngwĩtĩkĩla.  2. Akambĩanĩsya vata,  Thayũnĩ wakwa w’onthe kũũ nthĩ,  Ethĩwa anengie thayũ,  Akanenga syĩndũ syonthe,  Ndikathĩna nongi watho ũũ nĩwa wo,  Nĩngwĩtĩkĩla.  3. Eyumisye nũndũ wakwa,  None ũekeo wa naĩ,  Nthakame yake yetĩkie,  Nĩkana nyie nĩthambe vo,  Ethĩwa ngathamba vo ngethwa mũtheu vyũ,  Nĩngwĩtĩkĩla.  4. Nĩmũtaĩa nĩ wake,  Nũndũ wa nthakame ĩyake,  Ĩla wanthambisye nayo,  Nayu nyie nĩ mũtheu vyũ,  Ĩsyĩtwa yake yu nĩyo ĩnene-mbee Nĩngwĩtĩkĩla.  (Amen)

218. NYIE NĨNEWIE WĨTANO

 NYIE NĨNEWIE WĨTANO (Jesus fully saves) 1. Nyie nĩnewie wĩtano wa wovosyo mũnene,  Yesũ nĩwe weka Mũtangĩĩi wa andũ,  Naĩ syakwa naĩie nthĩ, mbee maũũnĩ ma Mwovosya,  Yesũ nowe weka Mũtangĩĩi wa andũ.  Yesũ nĩ Mũtangĩĩi,  Yesũ nowe weka Mũtangĩĩi wa andũ,  Nĩtavany’a na mũyo wovosyo ũũ wake,  Yesũ nowe weka Mũtangĩĩi wa andũ.   2. Yu ndina mũio wa naĩ namũĩkĩĩa Yesũ,  Ona ndi uungu wa ũsilĩlo nongi,  Nũndũ wa nthakame yake nĩyantheisye ngoo yakwa,  Yesũ nowe weka Mũtangĩĩi wa andũ.  3. Kuma ndanatangĩĩwa ndyaĩ na wĩkwatyo wakwa,  Yesũ andwĩkĩthisye ĩvia ĩlũmu,  Ngĩkala ona ngĩkw'a ũu nĩw'o wathi wakwa,  Yesũ nowe weka Mũtangĩĩi wa andũ (Amen)

219. TŨKĨENDA NAKU

 TŨKĨENDA NAKU (When we walk with the lord) 1. Tũkĩenda naku mũthiani waitũ,  Nũũsũvĩa matambya maitũ; Vate w’ia na woo nĩtũkwina mũno,  Nũndũ ngoo niũthew’a nue.  Veva wa Ngai Atũmenethye naĩ,  Akĩtwendethya kwĩkaa,  Ũndũ waku w’oka.  2. Tũkĩvikĩla vyũ ũndũ w’onthe waku,  Kũndũ kw’onthe nũũthi naitũ; Na twamina va tũĩ tũkaenda kwaku Vala methoi mataumaa ĩngĩ.  3. Ĩndĩ onthe ala methukĩĩsya nesa Ndeto syaku, motao na matho,  Manengawaa ũvoo, na makekalaa naw’o,  Kĩla mũndũ, ũkwĩw’a na ngoo.  (Amen)

220. ĨKALAA KĨTHŨINĨ KYA YESŨ

 ĨKALAA KĨTHŨINĨ KYA YESŨ (Lean on his arm) 1. Ĩkalaa kĩthũinĩ kya Yesũ; Akakũtethasya myũnthĩ yonthe; Na ethwa ũkamwĩthukĩĩsya Akakũtanĩthya.  Ũka kwa Yesũ mwĩtĩkĩle yu Ũka kwa Yesũ wone wĩkwatyo,  Ũka kwa Yesũ ũthũmũe vyũ O yĩla wĩ vava nthĩ.  2. Ĩkalaa kĩthũinĩ kya Yesũ: Akakwonya nesa nzĩa yaku,  Ndeto syake ikeethw’a taa kwaku,  Wa ũkũmulĩkaa.  3. Ĩkalaa kĩthũinĩ kya Yesũ,  Na naĩ syaku syonthe ithew’e vyũ,  Nthĩnĩ wake ve ũtethyo w’onthe: Ũmwĩtĩkĩle yu.  (Amen)

221. MŨKELAN'YONĨ WA YESŨ

 MŨKELAN'YONĨ WA YESŨ (Nearer the cross) 1. Mũkelan'yonĩ wa Yesũ, nĩngũthengeea nyie,  Kĩla mũthenya nthengee, ngelanyonĩ ya Yesũ,  Yesũ angw'ĩĩe mũtĩnĩ, nthakame yauma mbaunĩ,  Vakuvĩ mbaunĩ sya Yesũ, nĩngũthengeea nyie,  Nĩngũthengeea nyie 2. Kĩvĩlanĩ kya uekeo kĩla ũmũnthĩ nthengeee,  Lĩu wa thayũ wĩ kwa Yesũ, kwake nĩnthengeee nyie,  Kwa mũĩkĩĩo nĩngwona, Yesũ ũla wangw'ĩĩe nyie,  Vakuvĩ nake ngekalaa vakuvĩ na Yesũ,  Vakuvĩ na Yesũ 3. Nĩngũmũvoya Mwĩaĩi nĩthengee vakuvĩ,  Ngoo yakwa yĩna waũni, ũsĩ wa thayũ nĩwe,  Mathĩna makwa nĩ kũũ nthĩ, makaalyũlwa nĩtane vyũ,  Vakuvĩ ngeekĩa ngovia yake ya ũsumbĩ,  Navika ĩtunĩ.  4. Yesũ Mwĩaĩi nthengeesya, nume nainĩ nũke,  Vakuvĩ naku Mwĩaĩi nĩkue ngelany’o,  Nenga kwĩw’a wasya waku , nĩkalae ngwĩkwatĩtye,  Nĩkana wambĩta nũke , ũsumbĩnĩ waku,  Ũsumbĩnĩ waku.  (Amen)

222. MYAKA MINGĨ NAAISYE NA WAI

 MYAKA MINGĨ NAAISYE NA WAI (Years I spend in vanity) 1. Myaka mingĩ naaisye na wai,  Ndyaĩ an ũndũ na ũvoo wa Ngai,  Ndyaamanya ũndũ watũkw'ĩĩe,  Kũu kaivalĩ.  Tei na wendo nĩwatwonisye,  Naĩ na wathe nĩwatumisye,  Ngai na andũ nĩmakomanie,  Kũu kaivalĩ.  2. Yu nĩnĩsĩ naĩ mũthũku vyũ,  Yu nĩkwetye ndeto ii sya Ngai,  Yu nĩnonete nthembo ya naĩ,  Kũu kaivalĩ.  3. Ngoonĩ nĩngũmũĩkĩĩa Yesũ,  Nake nĩ mũsumbĩ wakwa vyũ,  Mbathi syakwa nĩsyo isu tũ,  Sya kaivalĩ.  4. Ũũ nĩ wendo watũtangĩĩe; Tei nĩw’o wamũetie kũũ,  Ngai nĩwaingie ĩtw’ĩku,  Kũu kaivalĩ.  (Amen)

223. MOTANU NĨMETĨKAA TA ŨSĨ

 MOTANU NĨMETĨKAA TA ŨSĨ (Blessed quietness) 1. Motanu nĩmetĩkaa ta ũsĩ,  Kuma nyie natangĩĩwa Tene w’onthe ekalaa naitũ; Ngoonĩ nĩvo ve ũthũmũo.  Maũathimo mauu na maseo; Thayũnĩ ve wĩkwatyo,  Matatwa onthe we nũmbonasya: Ũndũ ndonya kũsinda.  2. Nũnengae thayũ vinya na ũtanu,  Na mosumbĩ ma ĩtu,  Veva mũvuku voo nũvetaa,  Nũnengae ũthũmũo.  3. O ta mbua kuma ĩũlũ; Na ta kyeni kya syũa,  Veva mũtheũ tũnengawe,  Akyuma ĩũlũ ĩtunĩ.  4. Matunda nĩmeanĩte nesa Maseo na maathime,  Mbũsĩ sya thayũ nĩsyusũĩte,  Lika vo ũtangĩĩwe.  (Amen)

224. NGENGELE SYĨ ĨTUNĨ

 NGENGELE SYĨ ĨTUNĨ (Ring the bells of heaven) 1. Ngengele syĩ ĩtunĩ ũtanu wĩkw’o,  Mwene naĩ akĩalyũla ngoo,  Asa aimũkomanĩa e kũasa vyũ,  Na kũthokya mwana mũthĩni Ndaĩa, ndaĩa, alaĩka meina ,  Ndaĩa, ndaĩa, mbeve ikina,  Na ala ovosye nĩ meũkatha,  Meina wathi wa ũtanu.  2. Ngengele syĩ ĩtunĩ ũtanu wĩkw'o,  Mwene naĩ amina kwovowa,  Ngoo nĩndangĩĩwe kuma naĩnĩ,  Na kũsyawa kana keũ katheu.  3. Ngengele sya ĩtunĩ nikũtavan'ya,  Alaĩka nĩmeũkatha,  Tavanya ũvoo kũasa nthĩ yonthe,  Mwana wĩ vata nũsyaiwe.  (Amen)

225. NGAI Nĩ WENDO

   NGAI Nĩ WENDO (God is love) 1. Ngai nĩ wendo na ena tei mũnene mũno,  Nzĩanĩ syonthe kũla ithyĩ tũendelaa,  We ena kyeni kya ũtũmulĩkĩla kwonthe,  Ngai nĩ wendo na ena tei mũnene vyũ.  Ngai nĩwe kyeni na Ngai nĩ wendo,  Nĩtũmulĩkaa tũtikasye nzĩa yake.  2. Mavinda onthe o na myaka nĩkũthela vyũ,  Andũ masyaawa makĩana na makĩkũa,  Ĩndĩ wendo wake o na tei itikathela,  Ngai nĩ wendo na e na tei mũnene.  3. O na kwĩ na kĩvindu kĩnene kũũ nthĩ yonthe,  Ũtheu wake o na wendo ndũnyivaa,  Ũtheu wake nĩmũtisu kũvĩta ndata,  Ngai nĩ wendo na e na tei mũnene vyũ.  4. Yĩla kwĩ syũa o na yĩla kwĩ mbevo mũno,  Yĩla kwĩ kyeni o na yĩla kwĩ na kĩvindu,  Sisya wendo wa Ngai ũndũ wĩkaa kwaku; Ngai nĩ wendo na e na tei mũnene vyũ.  (Amen)

227. TANAI ALA TWĨ MA MWĨAĨI

 TANAI ALA TWĨ MA MWĨAĨI (Rejoice in the Lord) 1. Tanai ala twĩ ma Mwĩaĩi,  Ala ithyĩ twatangĩĩwe,  Nĩwatũnyuvie ithyĩ,  Nĩtũkweteele Mwĩaĩi.  Tanai tanai,  Tanai ala twĩ ma Mwĩaĩi,  Tanai tanai,  Tanai ala twĩ ma Mwĩaĩi.  2. Matatwa maingĩ matulya,  Voyai Ngai mwene vinya ; Nake akatũsũvĩaa,  Tũikalingiswe nĩ mĩisyo.  3. Tanai ala twĩ ma Mwĩaĩi,  Tũmwinĩe mbathi nzeo,  Tũkĩlye mawasya maseo; Tũkyasya mumo alelũya.  (Amen)

228. MŨIKETHĨWE NA KYEVA

 MŨIKETHĨWE NA KYEVA (Do not be troubled) 1. Mũikethĩwe na kyeva, mũikethĩwe na thĩna,  Mũĩkĩĩei Ngai Asa na mũindĩkĩĩa nyie  X 2 Mũsyĩ(kwa Asa) kwĩna(mawĩkalo) Na mwĩthing'ĩĩsyei kũvoya Mũsyĩ kwa Asa kwĩna mawĩkalo Na mwĩthing'ĩĩsyei kũvoya Na mawĩkalo nakethwa tivo maĩ Nĩthwa naneenie Nayu nĩnathi kũmaseũvya,  Nakwa namima ngooka kũmwĩsĩa.  2. Thoma nĩwakũlilye, Mwĩaĩi ithyĩ tũtyĩsĩ,  Kũla we wĩthi twĩsĩ nzĩa ata? X 2 3. Nayu ninyie nzĩa , na thayũ ũtathela,  Vai ũkaa kwa Asa atesĩle kwakwa X 2 4. Ethwa nĩmũmbendaa, Asa nake akamũne,  Mũtetheesya ũngĩ ekalae nenyu X 2 5. Yĩla we wĩũka ũsu Veva mũtheu,  Akamũlilikan’ya maũndũ onthe. X 2 Nĩngwenda onthe mamanye w’onthe ũla nĩkaa,  Nĩnengetwe nĩ asa ũkĩlai tũthi X 2 (Amen)

229. WAĨ MŨTHENYA WAĨ ŨTANU

 WAĨ MŨTHENYA WAĨ ŨTANU (Give Him the glory) 1. Waĩ mũthenya waĩ ũtanu,  Ũla namwosie Yesũ,  Ngoo yakwa yethwa na mũuo,  Naĩ syakwa syathew'a vyũ,   Nĩtavan'ye ũvoo wake,  Wa mumo wake mwingĩ Nĩmũnenge ndaĩa na ũkatho,  Kwondũ wa wendo wake 2. Nekalile maũũnĩ make,  Vala noonie ũthũmũo,  Ngoo yakwa yakanw’a kyeni,  Neethwa na ũthũmũo 3. Nĩvo vau maũũnĩ ma Yesũ; Namwonisye naĩ syakwa.  Nake anthesya mothũkũ; Na noosa ũtangĩĩo (Amen)

230. MAWĨA MA NGAI

 MAWĨA MA NGAI (I know) 1. Mawĩa ma Ngai ũ wĩ ĩtunĩ,  Yu nditonya kũmamanya,  Ona kau nyie ndimathasya.  Ĩndĩ nĩnĩsĩ nĩ waw’o O na nthĩ yonthe yalea,  Nyie nĩnĩsĩ nĩndangĩĩwe.  Nditonya kũkũtavya vyũ,  Ĩndĩ nĩnĩsĩ kũvũthũ,  Ũla ngwasya yu no atĩĩ,  Nĩũngeme ĩvianĩ 2. Nĩnĩsĩ Yesũ e thayũ,  Na nĩnĩsĩ nũtangĩĩaa,  Nĩnĩsĩ nyie naĩ mũkw’ũ,  Nayu nĩnĩsĩ nĩ thayũ,  Ona nthĩ yonthe yalea,  Nyie nĩnĩsĩ yu e thayũ.  3. kĩvĩndu kyamwona Yesũ,  Nĩkĩkĩaa kũkathea,  Nĩnĩsĩ naĩ kĩlalinda,  Nayu nĩnĩsĩ nĩngamwona,  O na nthĩ yonthe yalea,  Nyie nĩnĩsĩ nĩngamwona 4. Nĩna mũsyĩ wĩ ĩtunĩ,  Nawo ndwakĩtwe na moko,  Nĩnĩsĩ ngathi kũu ĩtunĩ,  Ngekale kũu mũsyĩ ũsu,  O na nthĩ yonthe yalea,  Nyie nĩnĩsĩ nĩna mũsyĩ.  (Amen)

231. KWONDŨ WA MŨTANGĨĨI

 KWONDŨ WA MŨTANGĨĨI (murmuring stream) 1. Kwondũ wa Mũtangĩĩi Yesũ,  Nĩnoosie ũtangĩĩo,  Nine wathi wa ũtanu,  Nĩndangĩĩwe nĩwe.  Itulumo sya ũkanga,  Nĩnzesewe nĩwe,  Itulumo nĩnzesewe,  Yu nĩina na mũyo.   2. Nĩ nthĩ nzeo yĩna mũuo mwingĩ,  Nĩ ũtanu nĩngathi kw’o,  Nĩtũnengetwe mĩthĩnzĩo mingĩ; Nĩna ũtanu mwingĩ.  3. Kũndũ kwonthe kwĩna ũtangĩĩo,  Ũtangĩĩo wa wovosyo; Tavanya ũtangĩĩo kũkũ nthĩ,  Ũtangĩĩo waw’o 4. Ithyĩ twĩ syana sya Mwĩaĩi Yesũ,  Nĩ tũkwina na ũtanu; Wendo wusũĩte ngoonĩ sitũ,  Nĩtũkwina na ũtanu.  (Amen)

232. YESŨ NĨWE WĨVITHO

YESŨ NĨWE WĨVITHO (Rock of ages cleft for me) 1. Yesũ nĩwe wĩvitho waw'o wa ene naĩ,  Mbosa Yesũ nyie ũmbithe nyie nthakamenĩ yaku; Nthakame yaku nĩyo ĩtonya kũthesya naĩ,  Ĩla yetĩkie kuma mbaunĩ syaku: Nĩyo ĩtonya kũthesya naĩ ii syakwa syonthe.  Yĩ ũtonyi wa kũthesya naĩ syakwa vyũ 2. Nĩngũlilikana wovosyo wa Mũtangĩĩi,  Naĩ syakwa syaĩ nene ndavikĩte kwake,  Nakwa ndaĩ ndonya kũsyumya e nyie mwene; We e weka nowe nthembo ya naĩ syonthe Nyie ndĩna kĩndũ ngumya kana nĩthooe thayũ; No kũlĩsa ngelanyonĩ ya Mũtangĩĩi.  3. Nyie nĩkalĩte thayũ wa nthĩ wa thĩna oyũ,  Na nĩnĩsĩ kĩkwũ kyooka ngathi kũkoma,  Na nathayũka nyie ngathi kũu mũsyĩ kwake,  Nakwa nĩngamwona we vyũ mũsumbĩ wa asumbĩ,  We ũla wanthooie na nthakame ĩ yake,  Akanthokya na ũtanu mũnene mũno.  (Amen)  

233. KŨNDŨ KWONTHE

 KŨNDŨ KWONTHE (Anywhere with Jesus) 1. Kũndũ kwonthe nyie nĩndonya kũendaa,  Kũla Yesũ ũndongoeasya nyie,  Ũtanu nũnyivaa yĩla nde nake,  O kũndũ nĩnake nĩnzeseawa,  Kũndũ kũũ nthĩ yaitũ ndikaemawa,  Nũndũ nyie nĩendanĩtye na Yesũ.  2. Kũndũ kwonthe nĩna Yesũ ndĩ nyioka,  Andũ makĩndia ekalaa nakwa,  O na akĩndongoesya thĩnanĩ; Nũndũ e nakwa nĩnĩtanĩthĩtwe.  3. Kũndũ kwonthe nĩ na Yesũ ndikĩaa,  Ngĩlingĩlwa nĩ kĩvindu kya kĩkwũ,  Nĩnĩsĩ ngaamũka kwa Mũtangĩĩi,  Ngekalĩthwa nĩ Yesũ mũsyĩ kwake.  (Amen)

234. KYATHĨ KYA MBOYA KĨ MŨYO

 KYATHĨ KYA MBOYA KĨ MŨYO (Sweet hour of prayer) 1. Kyathĩ kya mboya kĩ mũyo,  Na nĩvo twonaa ũtethyo,  ĩĩ nĩvo tũmũmanyaa ngai,  Na kwĩw’a ũtonyi wake,  Mathĩna ma nthĩ na wia,  Tũtonya kũmũtwaĩĩa,  Na vinya wake na wendo,  Akatũnenga twĩ make 2. Andũ aingĩ ma Yesũ,  Nĩ onzu mũno, na ni ngya Nũndũ matikũvoya Ngai,  Tondũ waĩtye ndetonĩ,  Amanthĩte, ũthwii wake,  Na vĩnya wa kũũngama kuu,  Ĩndĩ endete a make,  Mamũvoye na ngoo syaw'o.  3. Veva mũtheu amanyĩsye Kũvoya nesa ũmũnthĩ,  Nĩ na mavata maingĩ,  Makwa na ma anyanyawa,  Andũ aingĩ ĩĩ, mũno,  Nĩmaĩe mothũkunĩ,  Nĩngwenda maume oyu,  Ũkombonĩ wa satani 4. Nenga vinya na ũkũmbaũ,  Nĩvoye na ngoo yonthe vyũ Ngwĩkwatya watho wa Yesũ,  Ngai, ũkambĩw'a nĩ wakũ,  Na thayũ kũũ nthĩ wathela,  Navika kwaku ĩtunĩ,  Nĩngũkũtaĩa muno mbee,  Na kũũkathaa Mwĩaĩi.  (Amen)